काठमाडौं – साहित्यकार गोविन्द वर्तमानको ५१ वर्षको उमेरमा आज बिहान निधन भएको छ । पायल्स रोगबाट पीडित वर्तमानको उच्च रक्तश्रावका कारण त्रिभुवन शिक्षण अस्पतालमा उपचारका क्रममा आज बिहान निधन भएको हो ।
कविताबाट साहित्यिक लेखन शुरु गरेका वर्तमानको सोह्रसाँझ निबन्ध सङ्ग्रह चर्चित छ । मूल्याङ्कन मासिकमा समेत काम गरेका वर्तमान लामो समयसम्म उत्साह साहित्यिक त्रैमासिकमा सम्बद्ध हुनुहुन्थ्यो । कवि गोविन्द वर्तमानको जन्म २०१८ साल वैशाखमा चाबहिलमा भएको थियो । ***
