समाचार सुन्नुहोस :
काठमाडौँ – भारतीय स्थल सेनाध्यक्ष उपेन्द्र द्विवेदीले आज अपराह्न प्रधानमन्त्री केपी शर्मा ओलीसँग भेट गर्ने तयारी गरेका छन्। प्रधानमन्त्रीको सचिवालयले दिएको जानकारी अनुसार भेटवार्ता सिंहदरबारस्थित प्रधानमन्त्री कार्यालयमा साढे ४ बजे हुनेछ।
द्विवेदी बुधबार काठमाडौं आइपुगेका थिए। बिहीबार राष्ट्रपति रामचन्द्र पौडेलले उनलाई मानार्थ महारथीको दर्ज्यानी चिन्ह र खड्ग प्रदान गरेका थिए। राष्ट्रपति भवन शीतल निवासमा आयोजित विशेष समारोहमा नेपाली सेनाका परमाधिपति समेत रहेका राष्ट्रपति पौडेलले उनलाई यो सम्मान दिएका हुन्।
नेपाल र भारतबीचको ऐतिहासिक सैनिक सम्बन्धलाई निरन्तरता दिँदै सन् १९५० देखि दुवै देशले एक अर्काका सेनापतिलाई मानार्थ महारथीको दर्जा प्रदान गर्दै आएका छन्। द्विवेदीको यो सम्मान पनि यसै परम्पराको हिस्सा हो।
