काठमाडौं- प्रहरीको सीआरभी टोलीमा कार्यरत एक प्रहरी जवानले आज बिहान पेस्तोल हानेर आत्महत्या गरेका छन् ।
विराटनगरको साल्ट टे्रडिङ चोकमा सिआरभी टोलीमा ड्युटिमा रहेका विराटनगर -२० रानी घर भएका २८ वर्षीय प्रहरी जवान सञ्जय लामिछानेले आत्महत्या गरेका हुन् ।
बिहान साढे ५ बजे ड्युटीमा रहेकै अवस्थामा सुरक्षाका लागि गाडिमा राखिएको पेस्तोल निकालेर छातिमा गोली हानेको मोरङ प्रहरीले जनाएको छ । प्रहरी जवान लामिछाने सिआरभी भेन चालक थिए । उनको शव पोष्टमार्टमका लागि कोशी अञ्चल अस्पताल विराटनगरमा राखिएको छ ।
आत्महत्याको कारण खुलेको छैन ।
