काठमाडौं – अमेजन र फेसबुकले आफ्ना कर्मचारीलाई घरबाटै काम गर्न आग्रह गरेको छ । अमेजन र फेसबुक दुवैले आफ्ना सिअटलस्थित कर्मचारीलाई घरमै बसेर काम गर्न आग्रह गरेको हो ।
अमेजनले यसअघि सिअटलमा काम गर्ने कर्मचारीलाई कोरोनाको संक्रमण भएको पुष्टि गरिएको थियो । त्यसैगरी फेसबुकको सिअटल कार्यालयमा पनि बुधबार एकजनालाई कोरोनाको संक्रमण भएको थियो ।
फेसबुकले जारी गरेको विज्ञप्तिमा भनिएको छ, ‘हामीले हाम्रा कर्मचारीलाई जानकारी गराएका छौं र जनस्वास्थ्य अधिकारीको सुझावलाई प्राथमिकताका साथ पालना गरेर स्वस्थ र सुरक्षित रहन आग्रह गरेका छौं ।’
दुवै कम्पनीले यस महिनाको अन्तिमसम्ममा घरबाटै काम गर्न प्रेरित गरेका छन् । ‘हामी सिअटस्थित कार्यालयका कर्मचारीलाई यस महिनाको अन्तिमसम्ममा घरबाटै काम गर्न सकिने सुझाएका छौं,” अमेजन प्रवक्ताले जारी गरेको विज्ञप्तिमा भनिएको छ ।***
