काठमाडौं – नेपालीहरु काम गर्न तथा अध्ययनका लागि विदेसिने क्रम बढिरहेको बेला विदेशबाट नेपालमा काम गर्न तथा पढ्नकै लागि विदेशीहरु आउने गरेको पाइएको छ ।
अध्यागमन विभागका अनुसार सन् २०१८ मा विभिन्न मुलुकबाट २ हजार २ सय ८८ जना विदेशी नागरिक वर्किङ भिसामा नेपाल आएका छन् ।
यस्तै, सन् २०१९ को अगस्टसम्ममा विभिन्न दशेका १ हजार ३ सय ८४ जना विदेशीले नेपालमा काम गर्ने भिसाा अनुमति प्राप्त गरेका छन् ।
नेपालमा वर्किङ भिसामा चीन, जापान, कोरिया, फिलिपिन्स, थाइल्यान्ड, भुटान, बंगलादेशलगायतका मुलुकबाट विदेशी नागरिक आउने गरेका छन् । अन्य भिसामा प्रवेश आज्ञा लिएर काम गर्ने विदेशीका हकमा भने अध्यागमन विभागले कडाइ गर्ने गरेको छ ।
