काठमाडौँ – जापानका विदेश राज्यमन्त्री नोबुओ किसी नेपाल भ्रमणमा आउँदै हुनुहुन्छ । 
नेपाल र जापानबीच कूटनीतिक सम्बन्ध स्थापना भएको ६० औँ वर्षगाठका अवसरमा हुने कार्यक्रममा सहभागी हुन नेपाल आउन लाग्नुभएको हो । उहाँ आज काठमाडौँ आउनुहुने बताइएको छ । किसीले बिहीबार हुने कार्यक्रममा भाग लिनुहुने काठमाडौँस्थित जापानी दूतावासले जनाएको छ ।
तीन दिने नेपाल बसाइका क्रममा उहाँले उच्च अधिकारीहरुसँग पनि भेटवार्ता गर्नुहुने बताइएको छ ।***
