काठमाडौँ – बहुप्रतिक्षित फिल्म ‘छक्का पन्जा’ को ट्रेलर सार्वजनिक गरिएको छ । युटुबमा सार्वजनिक ट्रेलरमा कमेडी संवादलाई प्राथमिता दिइएको छ । 
‘सबैभन्दा गाडी कुन किङसँग छ ? पार्किङसँग’ लगायतका अरू थुप्रै हसाँउने संवादले दर्शकको मन जित्ने विश्वास लिइएको छ । दीपाश्री निरौलाले पहिलो पटक निर्देशन गरेको फिल्ममा दीपकराज गिरी, बुद्धि तामाङ, जीतु नेपाल, केदार घिमिरे, शिवहरी पौडेल लगायतका हास्यकलाकारको कलाकारको अभिनय देख्न पाइन्छ ।
यसका साथै प्रियंका कार्की, नम्रता सापकोटा र वर्षा राउतको पनि अभिनय छ । चलचित्रले गरिबी, बेरोजगारीको कथालाई रोचक तरिकाले देखाउन खोजेको छ । फिल्ममा कुञ्जना घिमिरे, निशान बजगाँई, सुमन गिरी, केदार घिमिरे, जीतु नेपाल, दीपकराज गिरी, दीपाश्री निरौला, निर्मल शर्माको लगानी रहेको छ ।
फिल्म भदौ २४ गतेबाट प्रदर्शनमा आउँदै छ । यही समूहले बनाएको वडा नम्बर ६ यसअघि हिट भैसकेको छ ।
ट्रेलर :
