अमेरिका क्वाटरफाईनलमा

काठमाडौँ – संयुक्त राज्य अमेरिका कोपा अमेरिका फुटबलको क्वाटरफाईनलमा प्रवेश गरेको छ । आज बिहान भएको खेलमा अमेरिकाले पाराग्वेलाई १–० ले हराउँदै क्वाटरफाईनलमा ठाँउ पक्का बनाएको हो ।

खेलमा आयोजक अमेरिकालाई विजयी गराउन क्लिन्ट डेम्पसेले २७ औं मिनेटमा गरेको गोल निर्णायक बन्यो ।दोेस्रो हाफको सुरुमै अमेरिकाका डिआन्द्रे यड्लीनले रातो कार्ड खाएपछि अमेरिका १० जनामा समेटिएको थियो । यद्यपि पाराग्वेले त्यसको फाइदा लिन भने सकेन् ।

जितसँगै अमेरिकाले तीन खेलबाट ६ अंक जोड्दै क्वार्टरफाइनलमा स्थान सुरक्षित गरेको हो ।