काठमाडौँ – लिओनल मेस्सीको हृयाट्रिकको मदतले अर्जेन्टिना कोपा अमेरिका कप फुटबलको क्वार्टरफाइनलमा प्रवेश गरेको छ । शनिबार भएको खेलमा अर्जेन्टिनाले पानामालाई ५–० को फराकिलो गोल अन्तरले पराजित गरेको हो ।
अर्जेन्टिनाले पनामालाई ५–० ले पराजित गर्दा मेसीले २० मिनेटभित्रै ह्याट्रिक पूरा गरेका हुन् । चोटका कारण चिलीसँगको पहिलो खेलमा मैदान उत्रिन नपाएका मेस्सी दोस्रो खेलमा भने वैकल्पिक खेलाडीका रूपमा मैदान प्रवेश गरेका थिए । अर्जेन्टिनाले खेलको ७ औँ मिनेटमै निकोलसको गोलबाट अग्रता लिएको थियो । पहिलो हाफमा १–० ले अगाडी रहेको अर्जेन्टिनाले दोस्रो हाफमा चार गोल गर्यो ।
दोस्रो हाफमा बैकल्पिक खेलाडीका रूपमा मैदान प्रवेश गरेका मेसीले ६८ औँ मिनेटमा गोल गर्दै टोलीको अग्रता दोब्बर पारे । यस्तै ७८ औँ मिनेटमा फ्रिकिकमार्फत सिधै गोल गरेका मेसीले ८७ औँ मिनेटमा गोल गर्दै ह्याट्रिक पूरा गरे । यस्तै ९० औँ मिनेटमा सर्जियो अग्युरोले गोल गरेपछि अर्जेन्टिना ५–० ले विजयी भयो ।
लगातार दोस्रो जितसँगै अर्जेन्टिनाको ६ अंक भएको छ । पानामा र चिलीको ३–३ अंक छ भने बोलिभिया अंकबिहीन छ ।
