काठमाडौँ – नेपाली काँग्रेसको १३ औं महाधिवेशनमा चुनाव हारेका नेताले केन्द्रीय सदस्य मनोनीत गर्न दबाब दिएपछि सभापति शेरबहादुर देउवा तनावमा परेका छन् । केन्द्रीय सदस्यमा पराजित सबैले मनोनीत गर्न भन्दै धम्की दिन थालिएपति उनी तनावमा परेका हुन् ।
पराजितहरुको दवावबीच देउवाले शुक्रवार मात्रै १३ औं महाधिवेशनमा चुनाव नलडेका तीन नेतालाई केन्द्रीय सदस्य मनोनीत गरेका छन् । उनले किशोरसिंह राठौंर, केशवकुमार बुढाथोकी र श्यामकुमार घिमिरेलाई केन्द्रीय सदस्य मानोनीत गरेका हुन् । यो मनोनयनसँगै पराजितहरुले दबाब बढाएको देउवानिकट स्रोतको दाबी छ । अब ११ सदस्यको मनोनयन गर्न बाँकी छ ।
देउवा निकट स्रोतका अनुसार ११ मध्ये ६ सिटमा तत्कालै मनोनयन गर्ने योजनामा देउवा रहेका छन् । त्यससँगै ४२ वटा विभाग प्रमुख मनोनयान गर्ने तयारीमा देउवा रहेका छन् । यता देउवालाई केन्द्रीय सदस्यमा पराजित भएकाहरुलाई पुनः मनोनीत नगर्न दबाब दिएका छन् । केही नेताहरूले भने पराजित भएकाहरुलाई मनोनयन गर्ने परम्परानै भइसकेको भन्दै मनोनयन गर्न सकिने सुझाव दिएको आजको राजधानी दैनिकमा खबर छ ।
२५ औं स्थानमा आउन नसकी केही चर्चित अनुहार समेत महाधिवेशनमा पराजित भएका थिए ।
