काठमाडौँ – पछिल्लो समय चर्चामा रहेको अनमोल केसी र सृष्टि श्रेष्ठको मुख्य भूमिका रहेको फिल्म ‘गाजलु’ आजबाट दर्शकमाझ आएको छ ।
पछिल्लो समयमा चर्चा कमाएका अभिनेता अनमोल र पहिलो फिल्ममा अभिनय गरेकी मिस नेपाल सृष्टिको जोडी भएकाले पनि यो फिल्मको चर्चामा रहेको छ । प्रदर्शनको पूर्व सन्ध्यामा बिहीबार साँझ राजधानीमा फिल्मको रेडकार्पेट प्रिमियर सम्पन्न भयो । फिल्म क्षेत्रका नाम चलेका सेलिब्रेटीहरु अनि राजनीतिज्ञ पनि उपस्थित प्रिमियरको माहोल तातेको थियो । प्रिमियरमा चर्चित कलाकारहरू भुवन केसी, सुनिल थापा, सरोज खनाल, दयाहाङ राई, नम्रता श्रेष्ठ, विल्सनविक्रम शाही, गौरी मल्ल, रिमा विश्वकर्मा लगायतका कैयौँ नाम चलेका सेलिब्रेटीहरु उपस्थित रहेका थिए । 
रोहित अधिकारीको निर्माण गरेको चलचित्रमा अनमोल र सृष्ट्रिका अलवा सलोन बस्नेत, गौरव पहारी, मेनका प्रधान, गौरी मल्ल, कृष्ण मल्ल लगायतको भूमिका देख्न पाईनेछ । फिल्मलाई हेमराज बिसीले निर्देशन गरेका हुन् । प्रिमियरमा फिल्म हेरिसकेपछि सबैले उत्कृष्ट रहेको प्रतिक्रिया दिए ।
अब दर्शकले गाजलुलाई कत्तिको माया गर्छन् त्यसका लागि भने हल रिपोर्टको नतिजा कुर्नुको विकल्प छैन् ।
