अमेरिकी सहायक विदेशमन्त्री डोनाल्ड लु नेपाल आइपुगे

समाचार सुन्नुहोस : 

काठमाडौँ – दक्षिण तथा मध्य एसियाली मामिलासम्बन्धी अमेरिकाका सहायक विदेशमन्त्री डोनाल्ड लु नेपाल आइपुगेका छन्। आइतबार काठमाडौं आइपुगेका लुले नेपालको सरकारका शीर्ष नेतृत्वसँग शिष्टाचार भेटघाट गर्ने र नागरिक समाजका प्रतिनिधिसँग संवाद गर्ने कार्यक्रम रहेको छ।

यो भ्रमणले अमेरिका-नेपाल सम्बन्धलाई थप सुदृढ बनाउनुका साथै वातावरणीय सुरक्षा, महिला सशक्तिकरण, सांस्कृतिक संरक्षण र दिगो विकासजस्ता क्षेत्रमा सहकार्यलाई प्रवर्द्धन गर्ने उद्देश्य राखेको अमेरिकी दूतावासले बताएको छ। उनी मंगलबार फर्किने तालिका रहेको छ।