कालीकोटमा बोलेरो दुर्घटना, ६ जनाको मृत्यु

काठमाडौं – कालीकोटमा बोलेरो गाडी दुर्घटना हुँदा ६ जनाको मृत्यु भएको छ भने अन्य १३ जना घाइते भएका छन् । जिल्लाको पलाता गाउँपालिका-३ राडूनेटामा २० यात्रु सवार गाडी दुर्घटना हुँदा ६ जनाको घटनास्थलमै मृत्यु भएको हो ।

कालीकोटका प्रमुख जिल्ला अधिकारी नारायण प्रसाद भट्टराईका अनुसार बाँकी १३ जना घाइते छन् । पलाताको थिर्पूबाट २० जना यात्रु बोकेर गएको बोलेरो आइतबार दिउँसो साढे दुई बजे दुर्घटना भएको थियो । गाडी सडकबाट ५०० मिटर तल खसेको छ ।

उद्धारका लागि सुर्खेतबाट नेपाली सेनाको हेलिकोप्टर त्यसतर्फ जान लागेको छ । दुर्घटनाबारे थप विवरण आउन बाँकी छ ।