एकैदिन ४ हजारले घट्यो सुनको मूल्य

समाचार सुन्नुहोस : 

काठमाडौँ – पछिल्लो समय निरन्तर घट्दै आएको सुनको मूल्य आज झन् ठूलो गिरावट आएको छ। आज सुनको भाउ प्रतितोला ४ हजार रुपैयाँले घटेर छापावाला सुन प्रतितोला एक लाख ६४ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यसअघि हिजो छापावाला सुन प्रतितोला एक लाख ६८ हजार पाँच सय रूपैयाँमा कारोबार भएको थियो। सुनसँगै चाँदीको मूल्य पनि घटेको छ। हिजो प्रतितोला दुई हजार १५ रूपैयाँमा कारोबार भएको चाँदी, आज ५५ रुपैयाँले घटेर प्रतितोला १९ सय ६० रूपैयाँमा कारोबार भइरहेको छ।