समाचार सुन्नुहोस :
काठमाडौँ – संघीय संसदको प्रतिनिधि सभाको बैठक आइतबार दिउँसो १ बजे बस्ने छ। संघीय संसद सचिवालयका अनुसार, यस बैठकमा सभामुख देवराज घिमिरेले प्रतिनिधि सभाका विभिन्न विषयगत समितिहरूमा सदस्यहरूको नाम हेरफेर गर्ने प्रस्ताव पेश गर्नेछन्।
त्यसैगरी शिक्षा, विज्ञान तथा प्रविधिमन्त्री विद्या भट्टराईले राष्ट्रिय सभाबाट पारित भएको ‘शहीद दशरथ चन्द स्वास्थ्य विज्ञान विश्वविद्यालय विधेयक, २०८०’ माथि विचार गरियोस् भन्ने प्रस्ताव प्रस्तुत गर्नेछिन्।
