समाचार सुन्नुहोस :
काठमाडौँ – आइतबार सुनको मूल्यमा गिरावट आएको छ। साताको पहिलो कारोबार दिनमा सुनको मूल्य तोलामा एकै पटकमा २ हजार ७०० रुपैयाँले घटेको हो।
नेपाल सुनचाँदी व्यवसायी महासंघका अनुसार आइतबार छापावाल सुनको मूल्य तोलामा १ लाख ४२ हजार रुपैयाँ कायम भएको हो । शुक्रबार सुनको मूल्य तोलामा १ लाख ४४ हजार ७०० रुपैयाँमा कारोबार भएको थियो । यस्तै, आइतबार तेजाबी सुनको मूल्य तोलामा १ लाख ४१ हजार ३०० रुपैयाँ पुगेको छ।
चाँदीको मूल्य पनि घटेको छ। आइतबार चाँदी तोलामा १ हजार ८१५ रुपैयाँमा कारोबार भएको छ भने गत शुक्रबार यसको मूल्य १ हजार ८६५ रुपैयाँ थियो।
