समाचार सुन्नुहोस :
काठमाडौँ – सोमबार सुनको मूल्य तोलामा ६ सय रुपैयाँले घटेको छ। नेपाल सुनचाँदी व्यवसायी महासंघका अनुसार, आजका लागि सुनको भाउ तोलाको १ लाख ४२ हजार २ सय रुपैयाँ निर्धारण गरिएको छ।
यसअघि आइतबार सुन तोलामा १ लाख ४२ हजार ८ सय रुपैयाँमा कारोबार भएको थियो। जेठ २५ गते सुनको मूल्य तोलामा १ लाख ४५ हजार रुपैयाँसम्म पुगेको थियो।
त्यस्तै, चाँदीको मूल्य पनि तोलामा २० रुपैयाँले घटेर आज १८०० रुपैयाँमा कायम भएको छ, जुन अघिल्लो दिन १८२० रुपैयाँमा कारोबार भएको थियो।
