टोकियो – नेपाली राजदूतावास जापानले नारी दिवसको अवसर पारेर ‘नेपाली महिला सम्मिलन समारोह’ गर्ने भएको छ । दूतावासले गुल्मेली समाजसँगको सहकार्यमा अन्तर्राष्ट्रिय नारी दिवसको अवसरमा आउँदो मार्च ८ तारिखका दिन टोकियोमा महिला सम्मिलन समारोह गर्ने भएको हो ।
विश्वभर भव्य रूपमा नारी दिवस मनाइरहँदा जापानका लागि नेपाली राजदूत डा. दुर्गाबहादुर सुवेदीले ११४ औँ अन्तर्राष्ट्रिय नारी दिवसको अवसरमा आयोजना गरिएको कार्यक्रममा सहभागिताका लागि जापानवासी नेपालीहरूले आग्रह गरेका छन् । उनले समारोहमा सहभागी हुन र सफलतापूर्वक सम्पन्न गर्न अपिल गरेका हुन् ।
टोकियोमा हुने यस महत्त्वपूर्ण कार्यक्रममा उपस्थित भई कार्यक्रमलाई सफल बनाउन गुल्मेली समाजका अध्यक्ष महेन्द्रकुमार अधिकारीले अनुरोध गरेका छन् । कार्यक्रमको संयोजन गुल्मेली समाजकी उपाध्यक्ष लक्ष्मी केसी महर्जनले गरेकी हुन् ।
