ब्राइटनसँग म्यानचेस्टर युनाइटेड स्तब्ध

काठमाडौँ – ईङलिश प्रिमियर लिग अन्तर्गत ब्राइटनले म्यानचेस्टर युनाइटेडलाई पराजित गरेको छ । गएराती सम्पन्न खेलमा ब्राइटनले म्यानचेस्टर युनाइटेडलाई १-० गोल अन्तरले पराजित गरेको हो ।

प्रतिष्पर्धात्मक खेलमा खेलको अन्तिम समयमा ब्राइटनले पेनाल्टीमा गोल गरेपछि म्यानचेस्टर युनाइटेडले हार बेहोरेको थियो । ब्राइटनको जितमा एलेक्सिस म्याक अलिस्टरले खेलको ९९औं मिनेटमा पेनाल्टीमा गोल गरेका थिए । यो जितपछि ब्राइटन ३२ खेलमा ५५ अंकसहित लिगमा छैटौं स्थानमा उक्लिएको छ । त्यस्ती म्यानचेस्टर युनाइटेडको भने ३३ खेलमा ६३ अंक छ र लिगमा चौथो स्थानमा छ ।