काठमाडौं – घनश्याम भुसाल नेकपा (एकीकृत समाजवादी) समाहित हुने भएका छन् । एकीकृत समाजवादीका नेता डा. विजय पौडेलका अनुसार भुसाल एकीकृत समाजवादीमा समाहित हुने निश्चित भइसकेको छ ।
सोमबार मात्रै भुसालले ‘कम्युनिस्ट आन्दोलनको पुनर्गठन, रूपान्तरण र एकीकरणका लागि प्रस्ताव’ दस्तावेज एकीकृत समाजवादीको वाम एकता कार्यदललाई बुझाएका छन् ।गत कात्तिकबाटै एमालेबाट राजीनामा दिएका भूसाल गत निर्वाचनमा गठबन्धनको समर्थनमा रुपन्देही १ बाट चुनाव लडेका थिए, तर एमालेकै छविलाल विश्वकर्मासँग पराजित भए ।
