काठमाडौँ – समानुपातिकतर्फका सांसदको नाम टुंगो लगाउन राष्ट्रिय प्रजातन्त्र पार्टीले कार्यसम्पादन समितिको बैठक बोलाएको छ । राप्रपाले प्रतिनिधिसभा र प्रदेशसभातर्फका समानुपातिक सांसदको नाम टुंगो लगाउन शनिबार बिहान ११ बजेका लागि कार्यसम्पादन समितिको बैठक बोलाएको हो । कार्यसम्पादन समितिको बैठकले भोलि नै प्रतिनिधिसभा र प्रदेशसभातर्फका समानुपातिक सांसदको नाम टुंग्याउने प्रवक्ता मोहन श्रेष्ठले जानकारी दिए ।
उनका अनुसार पार्टी कार्यालय धुम्बाराहीमा बस्ने कार्यसम्पादन समिति बैठकमा समानुपातिकतर्फका सांसदको नाम टुंगो लगाउनुका साथै चुनावी समीक्षा पनि हुनेछ । प्रतिनिधिसभामा प्रत्यक्षतर्फ ७ सिट जितेको राप्रपाले समानुपातिकतर्फ पनि ७ सिट नै जितेको छ । प्रदेशसभामा भने राप्रपाले समानुपातिकतर्फ १७ सिट पाएको छ । प्रदेशसभामा प्रत्यक्षतर्फ राप्रपाले ११ सिट जितेको छ ।
राप्रपाबाट प्रतिनिधिसभामा सांसद बन्ने सम्भावित उम्मेदवार :
खस आर्य
पशुपति शमशेर जबरा
प्रकाशचन्द्र लोहनी
आदिवासी जनजाति
विना लामा
विनिता मगैया
मधेसी
विना जयसवाल
दलित
अनिशा नेपाली
मुस्लिम
नाजिया खातुन
