काठमाडौं – आन्तरिक हवाई उडानको भाडा बढेको छ । नेपाल आयल निगमले आन्तरिक हवाई इन्धनको भाउ बढाएपछि उडान कम्पनीहरूले पनि भाडा बढाएका हुन् ।
भोलिदेखि लागु हुनेगरी इन्धन शुल्क बढेको र भाडामा पनि वृद्धि भएको यति एयरलाइन्सका प्रवक्ता सुदर्शन बर्तौलाले जानकारी दिए । सबैभन्दा धेरै विराटनगर-नेपालगन्ज रुटको भाडा ५४० रुपैयाँले बढेको छ । यस्तै काठमाडौँ-धनगढीको भाडा ४४५ रुपैयाँ बढेको छ । यस्तै काठमाडौँ-भद्रपुरको तीन सय, काठमाडौँ-सुर्खेतको ३४५ र काठमाडौँ-नेपालगञ्जको ३३० रुपैयाँ भाडा बढेको छ ।
नेपाल आयल निगमले ११२ रुपैयाँ ९२ पैसामा खरिद गरेको आन्तरिक हवाई इन्धनमा २३ रुपैयाँ ८ पैसा नाफा राखेर एयरलाइन्सहरुलाई बेच्दै आएको छ । एयरलाइन्स कम्पनीहरूले निगमले कम नाफा राखेर इन्धन उपलब्ध गराउन माग गर्दै आएका छन् ।
कहाँका हवाई भाडा कति बढ्यो ?
