होटलमा लगानी बढाउँदै लियोनल मेसी

काठमाडौं – स्पेनिस क्लब बार्सिलोनाका कप्तान लियोनल मेसी अहिले कोपा अमेरिकाको तयारीमा छन् । मेसीले यही समयमा फुटबलबाहेक अर्को कुराको पनि तयारी गरेका छन्, त्यो हो, होटलमा लगानी बढाउने ।

यी अर्जेन्टिनी स्टारले होटल ग्रुप एमआइएमसँग मिलेर काम गरिरहेका छन् । यही ग्रुपमार्फत् सन् २०१७ देखि होटलमा लगानी गर्दै आएका मेसीले फेरि नयाँ होटल खोल्ने तयारी गरिरहेका छन् । अहिलेसम्म ४ वटा होटलमा लगानी गरिसकेका मेसीले पाँचौं होटल एन्डोरामा खोल्न लागेका हुन् ।

सञ्चारमाध्यम डायरी एन्डोराका अनुसार ३१ सुविधा सम्पन्न कोठा हुने यो होटललाई देशकै सबैभन्दा उत्कृष्ट बनाउने सोचमा मेसी छन् ।