एकैदिन ७ हजारले जिते कोरोना, ५ हजारमा संक्रमण पुष्टि

काठमाडौं – नेपालमा पछिल्लो २४ घण्टामा ५ हजार ३१६ जनालाई संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार सोही अवधिमा ७ हजार २१९ जना संक्रमणमुक्त भएका छन् भने १०१ संक्रमितको मृत्यु भएको छ ।

अहिलेसम्म नेपालमा ५ लाख ७९ हजार हजार ६५९ जनालाई संक्रमण पुष्टि भएको छ जसमध्ये ४ लाख ६१ हजार ५६३ जना संक्रमणमुक्त भएका छन् भने ७ हजार ५५५ जनाको मृत्यु भएको छ अहिले १ लाख १ हजार ९९३ जना संक्रमित आइसोलेसनमा छन् । पछिल्लो २४ घण्टाको संक्रमणदर ३१.५ प्रतिशत रहेको छ ।