कल्पना टोकियो ओलम्पिकमा छनोट हुने चौथो खेलाडी

काठमाडौं – सुटिङकी कल्पना परियारले जापानमा हुने टोकियो ओलम्पिकमा सहभागिता जनाउने पक्का भएको छ । उनले शुक्रबार टोकियो ओलम्पिकको वाइल्ड कार्ड प्राप्त गरेसँगै ओलम्पिकमा नेपालको प्रतिनिधित्व गर्ने निश्चित भएको हो ।

नेपाल ओलम्पिक कमिटीका उपाध्यक्ष तथा कार्यकारी निर्देशक चतुरानन्दराज वैद्यले कल्पनाले वाइल्ड कार्ड प्राप्त गरेको पुष्टि गरेका हुन । उनले अन्य खेलमा पनि वाइल्ड कार्डका लागि प्रयास भइरहेको जनाकारी दिए । कल्पनाले १० मिटर एयर राइफलमा प्रतिस्पर्धा गर्नेछिन् ।

कल्पनासहित अन्य तीन नेपाली खेलाडीले टोकियो ओलम्पिक खेल्ने पक्का भएको छ । अन्य तीन खेलाडीमा एथ्लेटिक्सबाट गोपिचन्द्र पार्की, पौडीबाट गौरिका सिंह र एलेक्स शाह रहेका छन् ।