काठमाडौँ – कोरोना भाइरस सक्रमणको जोखिमको कारण अहिले मास्क अपरिहार्य भएको छ तर एप्पलको आइफोनमा रहेको फेस अनलक सुविधालाई मास्कले समस्या भएको थियो ।
जसको कारण एप्पलले आइओएस १४.५ को बिटा भर्जन रिलिज गरेको छ । यस अपडेटमा सबै भन्दा उपयोगी विशेषता भनेको अब मास्क लगाएर पनि आइफोनको फेस अनलक सेवा प्रयोग गर्न सकिनेछ । आइओएस १४.५ मा एप्पलले मोबाइलको थुप्रै बग्स फिक्स गरको छ । यस संगै ५ जीको सपोर्ट पनि जारी गरिएको छ ।
मास्क लगाएर कसरी फेस अनलक हुन्छ आइफोन ?
नयाँ अपडेटमा एप्पलले आइफोनमा मास्कको लगाएर पनि फेस अनलक हुने प्राणाली जडान गरेको छ तर यसमा समस्या छ ।
यसको समस्या भनेको मास्क लगाएर फेस अनलक गर्नको लागि एप्पलको स्मार्ट घडी (एप्पल वाच) लगाउनुपर्ने हुन्छ मतलब एप्पल वाच भएका मानिसले मात्र मास्क लगाएर फेसअनलक गर्न सक्नेछन् । एप्पल वाच अनलक भएपछि आइफोनमा हेर्नुपर्छ र आइफोन पनि अनलक हुन्छ ।
आइफोन अनलक भएपछि प्रयोगकर्ताको स्मार्टवाचमा भाइब्रेसन आउनेछ अनि मात्र प्रमाणीकरणको पुष्टि हुनेछ । आइओएस १४.५ को अपडेट पछि तुरुन्त यस फिचरले काम गर्ने छैन । यसलाई आफैंले (म्यानुअल रुपमा) सुचारु गर्नुपर्ने हुन्छ, तर एप्पलले अपडेटपछि पनि यस फेस अनलक तरिकाबाट मोबाइल अनलक बाहेक रकम भुक्तानी (पेमेन्ट) तथा अन्य महत्वपूर्ण काम नहुने बताएको छ ।
यस अपडेट सबैको लागि भने होइन, जो संग एप्पल वाच छ उसलाई मात्र यो काम लाग्ने छ । एप्पलले मास्क लगाएर फेसअनलक गर्ने समस्या समाधान गर्नको लागि यो पहिलो अपडेट भने होइन । यस भन्दा पाहिला पछिल्लो वर्ष एप्पलले एउटा अपडेट जारी गरेको थियो । उक्त अपडेटमा मास्क लगाएर फेसअनलक गर्ने प्रयास गर्दा फेस आइडीले तुरुन्त पासकोड माग गर्दछ । –एजेन्सी
