कोरोना संक्रमणबाट १९ वर्षीया युवतीले ज्यान गुमाइन्

सुनसरी – सुनसरीको बराह-५ की एक १९ वर्षीया युवतीको कोरोना भाइरस संक्रमणबाट ज्यान गएको छ ।

शनिबार बिहान ४ः३० बजे धरानको बीपी कोइराला स्वास्थ्य विज्ञान प्रतिष्ठानको कोभिड अस्पतालमा उनको उपचारकै क्रममा निधन भएको अस्पतालका सह-प्रवक्ता डा. आशिष श्रेष्ठले जानकारी दिएका छन् ।

मृतक युवतीमा पहिलेदेखि नै दीर्घरोग भएको समेत डा. श्रेष्ठले जानकारी दिएका छन् । शवको स्वास्थ्य मापदण्ड अनुसार व्यवस्थापन हुने अस्पतालले जनाएको छ ।