काठमाडौँ – संसारमा अचम्मका गाउँहरू धेरै छन् । यहाँ हामी यस्तो गाउँको कुरा गर्दैछौं जहाँ पुरुष महिला र पशुपंछी पनि अन्धा छन् ।
यस गाउँका पक्षी उड्न सक्दैनन् र उनीहरू रुखमा ठोक्किएर लड्छन् । मानिस पनि केही देख्दैनन् ।
अमेरिकाको टिल्टेपक नामक एक गाउँमा जोपोटेक जातिका करीब ३०० रेड इन्डियनहरू बस्छन् । यी मानिस जन्मदेखि नै अन्धा होइनन् तर जन्मेको केही समयमा नै आँखा देख्न सक्दैनन् ।
यहाँका मानिस पत्थरमा सुत्छन् र मकै तथा खुर्सानी खान्छन् । अहिले पनि उनीहरू काठबाट बनेको हतियार चलाउँछन् ।
टिल्टेपक एक सडकको किनारामा बसेको छ । त्यहाँ ७० वटा झोपडीहरू छन् । घरमा झ्याल र ढोका छैनन् किनकि त्यहाँका मानिसलाई उज्यालो चाहिँदैन ।
दिनको आरम्भमा यहाँका मानिसले पशुपक्षीको आवाज निकाल्छन् । साँझ भेला भएर उनीहरू भोजन गर्छन् । त्यसपछि रक्सी पिएर उनीहरू गीत गाउँदै नाच्छन् ।
स्थानीयहरूका अनुसार, त्यहाँको लावजुएजा नामक रुखलाई हेरेपछि उनीहरू अन्धा हुने गरेका छन् । तर यो सत्य होइन किनकि पर्यटकहरू रुख देखेर अन्धो हुँदैनन् ।
केही समयअघि वैज्ञानिकहरूले यसको कारण पत्ता लगाए । एक कीटाणुका कारण प्राणी अन्धा हुने रहेछन् । कालो झिंगाले टोकेपछि कीटाणु शरीरमा फैलिन्छ अनि आँखाको नसाले काम गर्न सक्दैन र मानिस तथा पशु अन्धो हुन्छ ।
