काठमाडौँ – जापानमा कोरोनाभाइरसका कारण स्प्रिंग ग्रेजुएशन समारोह रद्ध गरिएको छ । तर यो दिन विद्यार्थीका लागि महत्वपूर्ण हुने गर्छ ।
यसको महत्वलाई मध्यनजर गर्दै टोकियोको बिजनेस ब्रेकथू्र युनिभर्सिटीले हाईटेक तरिका अपनाएको छ । यहाँ रोबोट विद्यार्थीको भेष लिएर डिग्री लिन पुगेको छ ।
यो रोबोट ग्रेजुएशन क्याप र गाउनमा यो समारोहमा समावेश भएको थियो । यसलाई विद्यार्थीलेनै आफ्नो घरमै बसेर नियन्त्रण गरिरहेका थिए । रोबोटको अनुहारमा ट्याबलेट राखिएको थियो । यसको स्क्रीनमा विद्यार्थी देखिएका थिए ।
जापानमा अहिलेसम्म ६७४८ कोरोनाको चेपटमा आइसकेका छन् र १८० को मृत्यु समेत भइसकेको छ । जापानमा कयौं स्थानमा अपातकाल लगाइएको छ । तर, लकडाउन छैन ।
मानिस काममा गइरहेका छन् । उनीहरु सार्वजनिक यातायातकै प्रयोग गरिरहेका छन् । यस्तो अवस्थामा यो युनिभर्सिटीले अन्य संस्थाले पनि यस किसिमकामे तरिका अपनाउन सक्ने अपेक्षा गरेको छ ।
