काठमाडाैं – नेपालमा आयोजना हुन गइरहेको दक्षिण एसियायी खेलकुदका लागि नेपाली महिला टोलीको घोषणा भएको छ । आगामी मंसिर १५ गतेबाट सुरु हुने १३औँ दक्षिण एसियाली खेलकुद (साग) का लागी २० सदस्यीय महिला फुटबल टोली घोषणा गरेको छ ।
अखिल नेपाल फुटबल संघ एन्फाले शुक्रबार निरु थापाको कप्तानमा खेलाडी छनोट गरेको हो । नेपाली टोलीका मुख्य प्रशिक्षक हरि खड्काले अन्तिम २० सदस्यीय नेपाली टोलीको घोषणा गरेका हुन् । नेपालले काठमाडौ र पोखरामा डिसेम्बर १ देखि १० सम्म दक्षिण एसियाली खेलकुद आयोजना गर्दैछ । प्रतियोगिता हुनु भन्दा ३ हप्ता अगाडि नै नेपाली टोलीको घोषणा गरिएको हो ।
सन् २०१० को ११औँ सागबाट महिला फुटबलसमेत समावेश गरिएको छ । जसको अघिल्ला २ वटा संस्करणमा नेपाल भारतसँग पराजित बन्दै रजत पदक प्राप्त गरेको थियो। घरेलु भूमिमा पहिलो पटक स्वर्ण जित्ने लक्ष्यका साथ झन्डै ४ महिनादेखि तयारीमा जुटेको थियो । सागको महिला फुटबल आयोजना स्थल पोखरामै टोलीले अभ्यास गरिरहेको छ ।
नेपाली टिम
गोलकिपर : एन्जिला तोम्बाफो, एन्जिला राना मगर, उषा नाथ
डिफेन्डर : गीता राना, पुनम जर्घा मगर, अमृता जैसी, हिरा कुमारी भुजेल, कबिता धिमाल, मनमाया लिम्बू, पुजा राना
मिडफिल्डर: रेनुका नगरकोटे, दीपा राई , सरु लिम्बू, इन्दिरा राई , अनिता बस्नेत, मन्जली कुमारी योन्जन, बिमल चौधरी
फर्वाड: सावित्री भन्डारी, निरु थापा, अनिता केसी
