काठमाडौं – यू-१५ साफ च्याम्पियनसिप फुटबलमा मा नेपाल भारतसँग पराजित भएको छ । भारतको कल्याणी रंगशालामा शनिबार भएको फाइनलमा नेपाल भारतसँग ठूलो अन्तरले पराजित भएको हो ।
नेपाल भारतसँग ७-० गोल अन्तरले पराजित भएको हो । यो पटक समेत गरि नेपाली टीम तीन पटक फाइनल खेलमा पराजित भएको छ । पहिलो हाफमा तीन गोलले पछि परेको नेपालले दोस्रो हाफमा ४ गोल खाएको थियो । भारतको जीतमा सिद्रथ नोङमिकापमले ह्याट्रिक पूरा गरे । मेसनसिंह, अमनदीप, शिबजितले गोल गरे ।
समूह चरणको पहिलो खेलमा पनि नेपालले भारतसँग ५-० को फराकिलो हार व्यहोरेको थियो । नेपाल अघिल्लो संस्करणमा घरेलु मैदानमा भएको खेलमा नेपाल तेस्रो स्थानका लागि भएको खेलमा भारतसँग एक शून्यले पराजित भएको थियो ।
२०१७ मा भएको प्रतियोगितामा पनि नेपाल दुई पटक भारतसँग खेल्दा दुबै पटक हारेको थियो । समुह चरणमा दुई एकले हारेको नेपाल फाइनलमा पनि सोहि नतिजाले पराजित भएको थियो ।
