काठमाडौं – बिहीबार राति यूइएफए च्याम्पियन्स लिगको खेल तालिका सार्वजनिक भएको छ । ३२ टिमलाई युइएफएले ८ समूहमा विभाजन गर्दा इटालीयन जाइन्ट युभेन्ट्स समूह डि मा छ । समूह डि मा युभेन्ट्ससँगै एट्लेटिको मड्रिड, लेभारकुसेन र लोकोमोटिभ मोस्काभ छन् ।
यो सिजनमा युभेन्ट्सले च्यानम्पियन्स लिगमा राम्रो गर्ने दाबी गर्दै आएको छ । अघिल्लो सिजनमा स्पेनबाट इटाली पुगेका स्टार खेलाडी क्रिष्टियानो रोनाल्डोले च्याम्पियन्स लिगमा समूह निकै टर्फ बताएका छन् । उनले विपक्षी टोली एट्लेटिको बलियो रहेको बताउँदै समूह चरणमा राम्रो गर्नु पर्ने बताएका छन् ।
यद्यपी आफ्नो हरके बर्ष एक मात्रै लक्ष्य हुने बताएका रोनाल्डोले यो सिजनमा पनि राम्रो गर्ने बताएका छन् । ‘समूह चरणमा केही गाह्रो हुन्छ । तर, त्यसका लागि हामी तयार छौं । हाम्रो समूहमा एट्लेटिको छ । उनीहरुसँग राम्रो टिम छ । राम्रो प्रशिक्षक छन् । त्यो निकै टफ हुन सक्छ । तर, हेर्दै जाउँ के हुन्छ,’ रोनाल्डोले भने,‘मेरो लक्ष्य हरेक बर्ष एउटै रहन्छ । त्यो हो, जतिसक्दो धेरै खेल जित्दै ट्रफी जित्ने ।’
बिहीबार युइएफएले बर्ष खेलाडीका रुपमा लिभरपुलका स्टार डिफेन्डर भिर्गिल भान डायकलाई घोषित गरेको थियो । बर्ष खेलाडीको मनोनयनमा स्टार खेलाडी रोनाल्डोको समेत नाम थियो ।
