तीन क्यामेरा भएको आइफोन यहीवर्ष आउने, यस्तो हुनेछ फिचर

काठमाडौँ – अमेरिकी प्रविधि कम्पनी एप्पलले यहीवर्ष तीन क्यामेरा भएको आइफोन ल्याउने तयारी गरेको छ।

जापानी एप्पल ब्लग माकोटेकाराका अनुसार सन् २०१८ मा आइफोन एकआरु, एक्सएस र एक्सएस म्याक्स ल्याउन सफल एप्पलले सन् २०१९ भित्र नै तीन क्यामेरा भएको आइफोन बजारमा सार्वजनिक गर्नेछ।

एप्पल आइफोन ११ को तयारीमा लागि परेको छ। भर्खरै एप्पलले आइफोन ११ पछि साना आइफोनमा आफूले काम गर्ने जनाएको थियो।

यो फोन आइफोन ११ हो भनेर केही खुलाइएको छैन।

तीन क्यामेरा भएका आइफोन ओलेड डिस्प्ले भएका फोन हुन्। यो ६ दशमलब १ देखि ६ दशमलब ५ इन्च सम्मको हुनेछ।

यस फोनबारे अन्य जानकारी आगामी दिनमा दिइने ब्लगमा जनाइएको छ।