काठमाडौं – अभिनेत्री पूर्णिमा लामाले निर्माण गरेको ‘हिरोज’ फिल्ममा समावेश ‘यो प्रीत’ बोलको गीत सार्वजनिक भएको छ । चैत्र २३ गतेदेखि प्रदर्शनमा आउने तयारीमा रहेको फिल्मको सो गीतमा करिश्मा मानन्धर र मुकेश ढकालको अभिनय रहेको छ । । गीतमा करिश्मा र मुकेशबीचको प्रेमभाव झल्काइएको छ ।
प्रल्हाद तिमिल्सिना र प्रबिशा अधिकारीले गाएको गीत शङ्कर अधिकारी घायलले लेखेका हुन् । विकास चौधरीले सङ्गीत गरेको गीतको कोरियोग्राफी रामजी लामिछानेले गरेका हुन् ।
एनबि महर्जनको निर्देशनमा बनेको एक्शन लभस्टोरी फिल्ममा बेरोजगारीको पीडा, महिला हिंसा, राजनैतिक विकृति, अन्याय विरुद्धको आवाजका साथै प्रेमकथा प्रस्तुत गरिएको बताइन्छ । फिल्ममा करिश्मा मानन्धर, जयकिसन बस्नेत, पूर्णिमा लामा, मुकेश ढकाल,संजोग राणा, दिलकृष्ण श्रेष्ठ, सहिन प्रजापति, दिनेश डिसीलगायतका कलाकारले अभिनय गरेका छन् ।
जयलक्ष्मी फिल्मस्को ब्यानरमा निर्मित ‘हिरोज’ को प्रस्तुतकर्ता लक्ष्मी लामा छिन् भने निर्मातामा युवराज लामा, शेखर लामा र संजोग राणा छन् । शिव ढकाल र रामशरण उप्रेतीले खिचेको फिल्म कमल राई, कविराज गहतराज र रामजी लामिछानेको कोरियोग्राफी छ । फिल्मको द्धन्द्ध शङ्कर महर्जनले निर्देशन गरेका हुन् ।
