किन ‘चङ्गा जस्तै’ उड्दैछ आकाशको मन ? (भिडियो सहित)

काठमाडौं – चलचित्र ‘ब्ल्याक’ले आफ्नो पहिलो प्रचार सामाग्री सार्बजनिक गर्दै आफ्नो प्रचारप्रसारको यात्रा सुरु गरेको छ । पहिलो कोसेली स्वरूप चलचित्रको भिडियो गीत सार्बजनिक गरिएको छ । काठमाडौँमा एक कार्यक्रमका बीच चलचित्रको ‘चङ्गा जस्तै’ बोलको गीतको भिडियो सार्वजनिक गरिएको हो ।

सार्बजनिक गीतमा शब्द, संगीत र आवाज प्रतिक पौडेलको रहेको छ भने गीतमा कोरियोग्राफी रामजी लामिछानेले गरेका छन् । प्रदिप श्रेष्ठ निर्देशित चलचित्र ‘ब्ल्याक’मा कथा मौनता श्रेष्ठको रहेको छ ।

चलचित्रको मुख्य पात्रका रुपमा आकाश श्रेष्ठ, आंचल शर्मा, सुन्दर श्रेष्ठ, आयुष रिजाल, सुशिल श्रेत्री, धिरेन शाक्य, प्रिया रिजाल रहेका छन् । रामशरण उप्रेतीले खिचेको फिल्मलाई अर्जुन जिसीले सम्पादन गरेका हुन् । चलचित्रको प्रर्दशन मिती जेठ ११ लाई तय गरिएको छ ।