काठमाडौं – नायक प्रदीप खड्का र नव नायिका जसिता गुरुङ अभिनीत चलचित्र लिलीबिलीको ट्रेलर सार्वजनिक गरीएको छ।
मंगलवार काठमान्डौमा एक कार्यक्रमको बीच चलचित्रको ट्रेलर सार्वजनिक गरीएको हो। युट्युब मार्फत मंगलवार सार्वजनिक ट्रेलरमा त्रिकोणात्मक प्रेम कहानी र एक्सन देखाईएको छ । चलचित्रमा सुदीप बरालको छायांकन तथा अर्जुन जीसीको सम्पादन रहेको छ ।
मिलन चाम्सको निर्देशन रहेको चलचित्र ‘लिलीबिली’मा प्रदीप र जसिताका अलावा प्रियंका कार्की, अनुपविक्रम शाही, सविन श्रेष्ठ, मनिष श्रेष्ठ, धुर्व दत्त, रितेस चाम्स लगायतका कलाकारहरुको अभिनय रहेको छ ।
चलचित्रलाई मिलन चाम्स, गोविन्द शाही र सुदीप खड्काले संयुक्त लगानीमा निर्माण गरेका हुन् । चलचित्र यही चैत्र ३० गते देश भर एकसाथ रिलिज हुँदैछ ।
