फोनमा निकै बेर नबोलेकै जाति

काठमाडौं – तपाई घन्टौं फोनमा कुरा गर्नुहुन्छ वा एयरफोन लगाएर चर्काे आवाजमा गीत सुन्नुहुन्छ ? बेलैमा सचेत हुनुस्, श्रवणशक्ति गुम्ला । यस्तो बानी परेका मानिसमा उमेर नपुग्दै नसुन्ने, कान बज्ने तथा कम सुन्नेलगायत समस्या पाईएको छ ।

उपचार गर्न अस्पताल पुगेका कानका बिरामीमा यस्तो समस्या देखिएको सम्बन्धित चिकित्सकहरु बताउँछन । त्रिवि शिक्षण अस्पाताल, महाराजगन्ज इएनटी (नाक, कान, घाँटी) विभागका कान रोग विशेषज्ञ डा. रवीन्द्रनाथ प्रधानांगका अनुसार कानको समस्या लिएर आउने धेरैमा सुन्ने क्षमता कम भएको पाईएको छ ।