टोकियो – नजिकै आईरहेको अंग्रेजी नयाँ वर्ष २०१७ को उपलक्ष्यमा अर्घाखाँची समाज जापानले भेटघाट तथा शुभकामना आदानप्रदान कार्यक्रमको आयोजना गरी अर्घाखंचेली गायिका जमुना सनमको सम्मान गर्ने भएको छ ।
एक साँगीतिक कार्यक्रमको सिलसिलामा हाल जापानमै रहनुभएकी लोकप्रिय गायिका सनमलाई जापानमा सम्मान गर्न लागिएको समाजका अध्यक्ष ज्योतिष घर्ति मगरले समुद्रपारिलाई बताउनुभयो ।
हरेक वर्षझैं यस वर्ष पनि अर्घाखाँची समाजले नयाँ वर्षमा भेटघाट तथा शुभकामना आदानप्रदान कार्यक्रमको आयोजना गरेको हो ।
सो समाजले जापानमा रहेका अर्घाखाँची जिल्लाबासीहरुलाई उक्त कार्यक्रममा उत्साहजनक सहभागिताका लागि अपिल गरेको छ ।
कार्यक्रम जनवरी दुई तारिख सोमबार अपरान्ह २ बजेदेखि शिन-ओकुबोस्थित टोकियो रोधी क्लवको सभाकक्षमा हुने बताईएको छ । ***
