टोकियो–किक बक्सिङ खेलको माध्यमबाट जापानमा नेपाललाई चिनाउँदै आएका नेपाली मुक्केबाज मोहन महर्जन ‘ड्रागन’ ले हिजो भएको खेलमा प्रतिस्पर्धीलाई खेल शुरु भएको ४० सेकेण्डमा नै नक आउट गराए ।
सुईदोवासीस्थित टोकियो डोममा भएको ‘क्रुस किक बक्सिङ’ प्रतियोगितामा जापनी खेलाडी साईतो ताकिहिकोलाई ४० सेकेण्डमा नै हराउन सफल भएका हुन ।
६७ किलो तौल समूहमा भएको खेलमा होक्काईदोका खेलाडी साईतोलाई सहजै हराएपछि पत्रकारहरूसँग बोल्दै ड्रागनले यो जितमा सम्पूर्ण नेपालीहरुले आफूप्रति देखाएको माया नै शक्तिमा परिणत भई जित हात पार्न सफल भएको बताए ।
अघिल्लो महिना भएको पत्रकार सम्मेलनमा उनले खेल जीवनकै सर्वाधिक महत्वपूर्ण खेल भएको र आफूलाई हौसला दिन उपस्थित भईदिन जापानबासी नेपालीहरुमा अनुरोध गरेका थिए । ***