‘हेड सर’हरुलाई आईटी पढाउँदै महाविर

काठमाडौँ – ‘मास्टर डिग्री वा पिएचडी गर्दैमा कोही पढेको हुँदैन यदि उसलाई सूचना प्रविधिको ज्ञान छैन भने,’ महाविर पुनले भने, ‘अहिलेको जमानामा अक्षर चन्नु मात्रै साक्षर हुनु होइन ।’ 

सूचना प्रविधिबारे ज्ञान नभएर अहिलेको समयमा निरक्षर सरह भयो उनले बताए । पुन शुक्रवार कास्कीका सामुदायिक विद्यालयका प्रधानाध्यापकहरुलाई सूचना प्रविधिको महत्त्व दर्शाउँदै थिए । आजको अन्नपूर्णमा खबर छ ।

जिल्ला शिक्षा कार्यालयले प्रअमार्फत शिक्षक र बिद्यार्र्थी सूचना प्रविधिको महत्त्व बुझाउन पुनलाई निम्त्याइएको थियो । ‘हेडसले चाह्यो भने स्कुलका केटाकेटीलाई सूचना प्रविधिमार्फत धेरै ज्ञान दिन सकिन्छ,’ उनले भने, ‘हेडसरले वास्ता नगेर सकुलमा कम्प्युटर र इन्टरनेट पुर्‍याए पनि प्रभावकारी हुँदैन ।’