काठमाडौँ – नेपाल आयल निगमले इन्धन वितरण नगर्दा बजारमा एक दिनमै इन्धनको अभाव देखिएको छ । सार्वजनिक बिदा भन्दै निमगले बिहीबार इन्धन वितरण नगर्दा बजारमा चरम अभाव देखिएको हो । 
बजारमा इन्धन अभाव हुँदा शुक्रवार अधिकांश पेट्रोल पम्पमा इन्धन भर्ने उपभोक्ताको लाइन लागेको थियो । निगमले बिहीबार जनै पूणिर्माको दिन सार्वजनिक बिदा भएकाले इन्धन वितरण नगर्दा शुक्रवार बजारमा समस्या देखिएको आजको राजधानी दैनिकमा खबर छ । इन्धन वितरण नियममित नहुँदा प्रायः सार्वजनिक बिदाको दिनमा बजारमा इन्धन अभाव हुने गरेको निगमको दाबी छ ।
तर, यसअघि नाकाबन्दीबाहेक सार्वजनिक बिदामा कहिल्यै इन्धनको अभाव भएको थिएन । यस पटक निगमले जानजान यस्तो काम गरेको हो । सार्वजनिक बिदाअगाडि नै पर्याप्त इन्धन वितरण नगरी जानाजान अभाव सिर्जना गरेको उपभोक्ताको गुनासो छ । निजी पेट्रोलियम व्यवसायीले भने निगमले मागअनुसार इन्धन वितरण नगर्दा पम्पमा अभाव भएको बताएका छन् ।
पेट्रोलियम डिलर्स एसोसिएसनका अध्यक्ष लिलेन्द्र प्रधानले सार्वजनिक बिदाको अघिल्लो दिन निमगमले पम्पलाई इन्धन वितरण नगर्दा बजारमा अभाव भएको बताउनुभयो ।
