काठमाडौँ – अर्जेन्टिनाका सुपरस्टार खेलाडी लियोनल मेस्सीले अन्तर्राष्ट्रिय खेल जीवनबाट सन्यासको घोषणा गरेका छन् ।
सोमबार बिहान भएको कोपा अमेरिका फुटबलको फाइनलमा चिलीसँग अर्जेन्टिना पराजित भएसँगै मेसीले राष्ट्रिय टिमबाट सन्यासको घोषणा गरेका हुन् । चिलीविरुद्धको पेनाल्टी सुटआउटमा गोल गर्न चुकेपछि मेसी मैदानमै स्तब्ध भएका थिए ।
मेस्सीको नेतृत्वमा रहेको अर्जेन्टिनी टोलीले सन् २०१४ को ब्राजिल विश्वकपको फाइनलमा जर्मनीसँग र गत वर्षको कोपा अमेरिकाको फाइनलमा चिलीसँग पराजित भएको थियो । २९ वर्षीय मेसीले राष्ट्रिय टोलीबाट १ सय १२ खेल खेलेका छन् ।
मेसीले सन् २००५ मा राष्ट्रिय टोलीमा डेब्यु गरेका थिए ।
