काठमाडौं – सुमेघ ट्राभल्सले यस वर्ष पनि ड्रयागन एयरको उत्कृष्ट ट्राभल एजेन्टको पुरस्कार जितेको छ । ड्रयागन एयरको लगातार आठौं पटक उत्कृष्ट ट्राभल एजेन्टको उपाधि जितेको सुमेघ ट्राभल्सलाई बिहीबार साँझ राजधानीमा आयोजित एक समारोहमा उत्कृष्ट ट्राभल्स एजेन्टको पुरस्कार प्रदान गरिएको हो ।
एयरलाइन्सले प्रत्येक बर्ष आफ्नो टिकटहरु बेच्ने ट्राभल एजेन्सीहरुबाट उत्कृष्ट एजेन्टलाई प्रदान गर्ने पुरस्कार समारोहमा सुमेघले प्यासेन्जर तर्फको पुरस्कार जितेको हो । सन् २००८ देखि ड्रयागन एअरलाईन्सले यो पुरस्कार प्रदान गर्दै आएको छ ।
प्यासेन्जर्स तर्फको अन्य पुरस्कार प्राप्त गर्नेहरुमा क्रमशः ओशो ओर्ल्ड ट्राभल्स, मेघाबाईट ट्राभल्स एण्ड टूर्स, गोरखा भिजन ट्राभल्स एण्ड टूर्स र सेरेन ट्राभल्स रहेका छन् ।
बिजनेश क्लासतर्फको उत्कृष्ट एजेन्ट जया ट्राभल्स एण्ड टूर्सले हासिल गरेको छ भने यति होलिडेजले धेरै रेभिन्यू तर्फको उत्कृष्ट एजेन्ट हासिल गरेको छ । कार्गो तर्फ भने लिजेण्ड कार्गोले उत्कृट एजेन्टको पुरस्कार जितेको छ । ड्रयागन जापानका नेपालीहरुले पनि धेरै प्रयोग गर्ने एअरलाईन्स मध्यमा पर्दछ । क्याथेप्यासिफिक एअरलाईन्स र ड्रयागनको कनेक्टिङ फ्लाईटमा जापानबाट हङकङ हुँदै एकैदिनमा नेपाल पुगिने भएकोले पनि यो एअरलाईन्स लोकप्रिय हुनुका साथै नेपालबाट धेरै टिकट विक्री हुनेमा पर्दछ ।***
