काठमाडौँ – फ्रान्समा जारी युरो कप फुटबलमा उपाधि दावेदार जर्मनी पोल्याण्डसँग गोलरहित बराबरीमा रोकिएको छ । गएराति भएको खेलमा विश्व च्याम्पियन जर्मनीलाई पोल्याण्डले गोलरहित बराबरीमा रोकेको हो ।
यही समूहको अर्को खेलमा नर्दन आयरल्याण्डले युक्रेनलाई २–० ले हराएको छ । खेलमा नर्दन आयरल्याण्डलाई विजयी गराउन ग्यारेथ म्याक्वेली र नियाल म्याक्गिनले एक–एक गोल गरे । जितसँगै नर्दन आयरल्याण्डले ३ अंक जोड्दै नकआउट चरणमा पुग्ने सम्भावना बलियो पारेको छ । यो समूहमा ४/४ अंक जोडेका जर्मनी र पोल्याण्ड क्रमशः पहिलो र दोस्रो स्थानमा छन् ।
उता समूह बी को खेलमा वेल्सलाई २–१ ले हराँउदै इंग्ल्याण्डले अंक तालिकाको शीर्ष स्थान कब्जा गरेको छ । वेल्सको जितमा ग्यारेथ बेलले पहिलो गोल गरे । तर दोस्रो हाफमा सब्स्टीच्युट खेलाडीहरु जेमी भार्डी र ड्यानिएल स्टरीजले एक–एक गोल गरेपछि इंग्ल्याण्ड २–१ ले विजयी भयो ।
प्रतियोगिता अन्तर्गत आज पनि तीन खेल हुँदै छन् । साँझ पौने ७ बजे ईटाली र स्वीडेन भिड्ने छन भने बेलुकी पौने १० बजे चेक रिपब्लिकले क्रोएशियासँग खेल्नेछ । यसैगरी राति पौने १ बजे स्पेनले टर्कीसँग खेल्नेछ । –एजेन्सी
