काठमाडौँ – परीक्षा नियन्त्रण कार्यालयले २०७२ सालको एसएलसी परीक्षाको परीक्षाफल तीन दिनभित्र प्रकाशित गर्ने भएको छ ।
लेटर ग्रेडिङ प्रणालीबाट पहिलोपटक परीक्षाफल प्रकाशित गर्न लागेको कार्यालयले यही असार २ वा ३ गतेभित्र नतिजा प्रकाशित गर्ने भएको छ । परीक्षा नियन्त्रक कृष्णप्रसाद काप्रीका अनुसार सकभर २ नभए ३ गते भित्र परीक्षाफल प्रकाशित गर्ने तयारी भएको छ ।
परीक्षा सञ्चालन समितिको बैठकमा नियन्त्रक काप्रीले २ वा ३ गतेभित्र परीक्षाफल प्रकाशित गर्ने जानकारी गराउनुभएको थियो । एसएलसी परीक्षा सुरु भएको ८३ वर्षपछि यो परीक्षाफल अन्तिम हुने आजको नेपाल समाचारपत्रमा खबर छ ।
पहिलो लेटरग्रेडिङ र अन्तिम एसएलसी भएको कारण यो परीक्षा ऐतिहासिक हुने भएको छ ।
