काठमाडौं – ब्यवसायिक रुपमा सफल भएको चलचित्र ‘वडा नम्बर ६’ लाई अब यूट्यूबमा हेर्न सकिने भएको छ ।
चर्चित हाँस्य कलाकार दीपाश्री निरौला, प्रियंका कार्की, दयाहाङ राई, दीपकराज गिरी, केदार घिमिरे, सीताराम कट्टेल, जीतु नेपाल आदि कलाकारको अभिनय रहेको सो चलचित्रलाई निर्देशक उज्वल घिमिरे निर्देशन गर्नुभएको छ । चलचित्रको ‘सुर्केथैली खै…’ गीतले अहिले सम्म यूट्युवमा कीर्तिमान कायम गरेको छ । हास्य संगै राजनीतिक बिषयबस्तुमा आधारित गाँउका चारजना उरन्ठेउला बेरोजगार केटाहरुलाई ‘फोहरी’ राजनीतिमा कसरी दुरुपयोग गरिन्छ भन्ने विषयमा कथा घुमेको छ । हास्य चलचित्र ६ एकान ६ कै धेरै टिम रहेको चलचित्रमा राजनराज शिवाकोटीको संगीत, शंकर बिसीको नृत्य निर्देशन रहेको छ । चलचित्रमा अञ्जु पन्त, राजनराज शिवाकोटी तथा राजु विश्वकर्माको स्वर रहेको छ ।
