एनआरएन जापानमा पोखरेल

टोकियो- गैरआवासीय नेपाली संघ (एनआरएन) जापानको छैटौं अधिवेशनबाट पारसमणि पोखरेल अध्यक्षमा निर्वाचित भएका छन् ।

आइतबार भएको मतगणनामा चिरञ्जीवी थापालाई पराजित गर्दै पोखरेल निर्वाचित भएका हुन् । उनले ३ सय ३४ मत पाए भने थापाले १ सय २६ मतमात्र पाएका थिए ।

तीन जना उपाध्यक्षमा सुदन थापा, तुलसीराम खरेल र नरबहादुर थापा विजयी भए । सुदन थापाले २ सय ५४, खरेलले १ सय ९८ र नरबहादुर थापाले १ सय ६४ मत पाए ।

महासचिवमा १ सय ८६ मतसहित मुक्तिराम खनाल निर्वाचित भए । सचिवमा उदयराज कँडेल र कोषाध्यक्षमा तेजप्रसाद अर्याल निर्वाचित भए । सदस्यहरुमा दीपकबाबु नेपाल, दीपक थापा, शिवलाल गिरी, दीपक केसी र अर्जुन अधिकारी निर्वाचित भए ।