काठमाडौं- माओवादी पोलिट्ब्युरो सदस्य तथा पूर्व शान्ति मन्त्री जनार्दन शर्माको स्वास्थ्य अवस्थामा पछिल्लो २४ घण्टामा तुलानात्मक सुधार आए पनि अझै उनी खतरामुक्त नरहेको उपचारमा संलग्न चिकित्सकले बताएका छन् ।स्वास्थस्थिति गम्भीर बन्दै गएपछि थप उपचारका लागि उनलाई एयर एम्बुलेन्स्मार्फत सोमवार नयाँ दिल्ली ल्याइएको थियो ।
‘सोमवार भन्दा मंगलवार शर्माको अवस्था सुध्रिएको छ तर उहाँ खतरामुक्त हुनुहुन्छ भनेर अहिल्यै भन्न सकिने अवस्था छैन । कमसेकम एक हप्ता हामी अत्यन्तै सचेत हुनुपर्छ,’ शर्माको उपचारमा संलग्न मेदान्त अस्पतालका स्नायु विशेषज्ञ अरुण गर्गले भने । नयाँ दिल्ली ल्याइए लगत्तै शर्मालाई नजिकैको हरियाणा राज्यको गुडगांवस्थित उक्त अस्पतालको अति सघन कक्षमा भर्ना गरिएको थियो ।
