बाग्लुङ– नेकपा एमालेका सचिव शंकर पोखरेलले स्थानीय निकायमा रहेको सर्वदलीय संयन्त्र भंग गर्ने सरकारी निर्णय स्वेच्छाचारी भएको बताएका छन् । सर्वदलीय संयन्त्र भंग गरेर कर्मचारीको हातमा बुझाउने निर्णयले भ्रष्टाचार अझ बढाउने उनले बताएका छन् ।प्रेस चौतारी नेपाल, जिल्ला शाखा बाग्लुङ बुधवार बाग्लुङमा आयोजना गरेको पत्रकार भेटघाट कार्यक्रममा पोख्रेलले सरकारको निर्ण अन्तरिम संविधानको भावना विपरित भएको टिप्पणी गरे ।
‘कि स्थानीय निकायको निर्वाचन गर्नु पर्यो,’ उनले भने- ‘होइन भने सर्वदलीय संयन्त्र भंग गर्नु हुँदैन ।’ पोख्रेलले माओवादीको कारण शान्ति र संविधानले गतिलिन नसकेको बताए । माओवादीलाई विश्वास गर्दा फसिएको बताए ।’माओवादीले विगतमा गरेका सम्झौतालाई कायान्वयन ल्याएको छैन,’ उनले भने-‘विश्वास गर्दा फसिएको हो । अब प्रतिबद्धता होइन कार्यान्वयन गर्नुपर्छ ।’ उनले हतियार सहितका लडाकुलाई व्यवस्थापन नगर्दा सम्म संविधान जारी नहुने बताए ।
