नवलपरासी– क्युतो हियोसिगाओका लायन्स क्लब जापानको सहयोगमा आशाको ज्योति नेपालको सहकार्यमा नवलपरासीको ग्रामीण इलाकाअन्तर्गत दाउन्नेदवी गाविसका विपन्न परिवारलाई बाख्रा प्रदान गरिएको छ ।
ग्रामीण क्षेत्रका अति विपन्न दाउन्नेदवी, पृथ्वीबस्तीका १५ घरपरिवारलाई उनीहरूको जीविकोपार्जनमा सहयोग पुर्याउने उद्देश्यले प्रतिघर पाँचवटा बाख्रा र एकवटा बोका गरी ७६ वटा बाख्रा गैरआवासीय नेपाली सङ्घ -एनआरएन)का पूर्व अध्यक्ष देवमान हिराचनले प्रदान गर्नुभयो ।
कार्यक्रममा लाइन्स क्लब जापानका प्रेसिडेन्ट ताइसियुकी ताकाहासीले आफूले नेपाल र नेपालीलाई सहयोग गर्न पाउँदा निक्कै खुसी लागेको र सहयोगलाई निरन्तरता दिने बताउनुभयो ।
सो कार्यक्रम आशाको ज्योति नेपालका आकाश अधिकारीको सभापतित्वमा भएको थियो ।
